Meghalaya West Presbytery Missionary Convention vawi 19-na, Shillong Madanrting kohrana innghat chu August 24 – 25, 2024 sûng khan hlimtaka hmang zo a lo ni tah.
Hi huna Rev. Lalṭanpui, Mission Promotor chu Speaker dinga fiel a nî angin programme a hmangpui a, amiruokchu, Meghalaya East le West Presbytery sûnga khaw tin deu thâw a fang zo hnungâ programme a hung hmangpui a ni a, taksa bawrâwmnain a tlâk buok leiin thu hrilna hun khat chau a hmang thei a, hun hni, August 26, Pathienni sûn lê zân hai ruok chu Rev. Vanlalruot Joute, P.S. le Pastor Richard Rosiemlien hai a’n thawkin Pathien thû ngaithlâk a nih.
Madanrting Kristien Ṭhalai Pâwl, Sub- Hqtrs Kristien Ṭhalai Pâwl le Meghalaya West Presbytery Choir hai a’nthâwkin inpâkna hlâ hring tak tak ngaithlâk a ni bawk.
Meghalaya West Presbytery sunga ICI kohran 10 um hai laia khuo (unit) 6 a’n thawkin mikhuol an ṭhang thei a, unit ṭhenkhatin thiemhnâng (kut themthiem) an zawrnââ an sum lam suok le unit dangin hmeruo ṭhahnem tâwk tak an chawi khâwma inthawkin Ram thim fund tamtak lam suok a nih.
Unit 6 a’n thawka form an submit dungzuiin a hnuoia hi Meghalaya West Presbytery kum chenve ram thim intiemna, 2024 report a nih.
- Kum bula inthawk tuchena Faith Promise intiemtu zât – 386
- Missionary Individual support-tu zât – 151 (Hi taka hin full-a support mi 2 an um)
- Groupa support-tu zât – 40.
- Tuolsûng kohranin missionary an support zât – 22
- Local-a department hai support zât:
(a) KṬP – 08
(b) Naupang Pâwl – 10
(c) Nuhmei Pâwl – 14
(d) NPT – 01
Thuhriltu hai thu hril, inpâkna hla saktu hai hla sak le mipui hlasak a hring a, programme-a ṭhang hai an hlim tlâng hle.
