Independent Kohran Hlabu hi August 1923 kum khan First Edition sut a nih a, hi ṭum hin copy 300 sut a nih. February 2018 chena khan 13th Edition chen sut niin, tuta 14th Edition copy 1000 le hin sut ta po po hi copy 31,800 zet a tlingna a lo ni tah a. Hmar ṭawnga hlabu sut po po laia chun Edition tamtak le copy sut râwntak niha hriet a nih a, a ropuiin lâwmum ei ti takzet a nih.
General Assembly vawi 39na le vawi 40na chun “Independent Hlabu hi 9th Edition sut a ni pha chun, a lo inlet sâwngtuhai leh ei hlathlûk dân ân ang vawng theina dingin, a thlûkhai Tonic Solfa-a inchuonsa ve ni ta raw se” tih a rêl a ni ang takin 9th Edition chu kum 1992 khan Tonic Solfa ṭhangin copy 4000 zet sut a lo nih a, lâwm a umin a ropui khawp el. Kha hun laia sut kha, hla le solfa kha inkawp lova sut a ni leiin en kawp a remchâng nawh a, 2009 kuma Assembly Musical Society Annual Session chun a solfa le a hla inkawp nghâl peia sut thar dingin a lo rêla. Rêl a nia inthawka kum sâwmna charah Pathien zârin ei sukpuitling thei chau a nih. Assembly Musical Society Diamond Jubilee ei lo tlung ta bawk leiin a bu hminga khawm ‘DIAMOND JUBILEE EDITION’ ei belsa a nih.
Independent Kohran Hla Bu kum 100 a tlingna 74th General Assembly, Sakawrdai, Hmarphei Presbytery-a nei ning a tih.
Independent Kohran Hla Bu sunga hla hai:
[child_pages post_parent=”1751″]