40th ICI KṬP General Conference Report

Independent Kohran (ICI) Kristien Ṭhalai Pawl (KṬP) General Conference vawi 40-na chu, Thi Chena Ringum ti thupuia hmangin, Muolhoi Public Ground, Haflong, Assam Hills Presbytery-ah March 8 – 10, 2024 sûng khan ditkhawp lo taka hmang zo a lo ni tah.

Hi inkhâwmpuia hin mikhuol 1,500 vêl an fekhâwm a, Pathien biekna inkhâwm ṭum 4, hla ruoi (Singing Fellowship) ṭum 2, Bible Study ṭum 1 le palai rorêlna (Conference Session) ṭum 1 nei a nih. Hla ruoi ṭum khata hin Manipur ram buoina leia harsatna tuokhai ta dingin thawlâwm dâwl a ni a, ₹ 1,50,000 dâwl suok a nih.

Inkhâwmpui sûng hin Rev. Dr. J.L Songate, Moderator, ICI, Rev. Dr. V. Lalnghakthang, Lecturer, Sielmat Bible College, Rev. Evan John, Youth Co-ordinator le Upa Ramhlunsang Songate, Chairman, Central KṬP haiin Pathien thu hrilna an nei a, Pastor James Lawrence Darngawn, Hmarphei Presbytery-in Bible Study a ṭhuoi.

Hlapâwl ICI Central Choir, Hmarphei Presbytery Choir, Assam Hills Presbytery Choir, Serlui Presbytery Choir, Jinam Valley Presbytery KṬP, Meghalaya West Presbytery KṬP, Delhi City Church KṬP, Guwahati City Church KṬP, Aizawl Presbytery KṬP hai a’nthawk le malzâi Rev. Thangngur Awardees Nk. Quilyn Lalrovel, Tv. Obadia Ralsun, Nk. Lily Lalparmawi, Nk. Lalthapui Faihriem, Nk. Lalhmunmawi, Nk. Lalrinhlu Infimate, Nk. Grace Ramhlukim le hlasak thiem mi dang dang hai a’nthawk ngaithlâk a nih.

Assembly Musical Board-in tonic solfa exam a huoihawtnaah hlawtlingna chang, hieng Tv. Matthew Amo (Diploma), Nk. Rody Zote (Intermediate), Pu Samuel Lalhrietsang (Intermediate) le Tv. Lalramṭan Kungate (Intermediate) hai kuoma certificate peksuokna nei a ni a, kum 2023 – 2024 sûnga One Day for Christ (ODC) pe ṭha tak lâwmman Talan Unit, Hmarbiel North Presbytery hai kuoma le KṬP Over-all Activities Award Delhi City Church unit hai kuoma peksuok a ni bawk.

General Conference session a hin kum 2024 – 2026 sûnga Central KṬP ṭhuoitu thar ding inthlangna nei a ni a, hieng a hnuoia hai hi thlang tling an nih:

Chairman: Rev. Lalrohlu, Tuithaphai Presbytery
Vice-Chairman: Upa V.L Renga Hriler, Delhi City Church
Secretary: Pu Ebenezar R. Sinate, Tuithaphai Presbytery
Asst. Secretary: Dr. Solomon Faihriem, Assam Hills Presbytery
Finance Secretary: Nk. Marina L. Buongpui, Tuiṭhaphai Presbytery
Treasurer: Pu Joyful L. Ṭhiek, Tuiṭhaphai Presbytery

Executive Committee members:
1. Upa Ramhlunsang Songate, Tuiṭhaphai Presbytery
2. Pu Ramhmangai Khawbung, Delhi City Church
3. Pu David Traite, Tuiṭhaphai Presbytery
4. Rev. L. Ramropui Ṭhiek, Meghalaya East Presbytery

Ex-officio members:
1. Rev. Dr. James R. Ruolngul, Secretary, Ministries (Department Head)
2. Rev. Evan John, Youth Co-ordinator

General Conference rorêlnaa ṭhang ding, dân in a phal, palai 270 hai lai 196 an ṭhang thei a, resolution 17 an pass a nih. Thurel ṭhenkhathai mi tin hriet dingin a hnuoia ang hin hung suklang a nih:

1. KṬP Handbook review dinga rêl a nih.

2. 2024 sûng Discipleship & Counsellor Training le Leaders Meet a tam thei ang nei dinga rêl a nih.

3. Media Ministry hrât le fumfe taka a fe dân ding ngaituo a ni a, hi rawngbâwlna fepui dân ding Central Committee bawzui dinga sie a nih.

4. Central KṬP Project hai hrât lema fepui a ni theina dingin kum 2024 sûng promotional work thaw dinga rêl a ni a, statistical analysis le background study hai thaw in, Central Committee bawzui dinga sie a nih.

5. Ṭhalai In, Hmarkhawlien Master Plan entlâng a nih.

6. 41st General Conference (palai inkhâwmpui) chu Meghalaya West Presbytery-a innghat dinga rêl a nih.

Inkhâwmpui hi Assam Hills Presbytery KṬP-in hnesaw takin a lâk el bâkah, palai fekhâwmhai ruoi a ṭhepêk nghe nghe.

Secretary-in report a pêk dungzuiin, ICI KṬP member hi Presbytery 15, City Church 2, Mission Field 7 le Unit 220 chuonga umin, mi 8,486 an tling tah. Kum 2024 KṬP Week thupui ding chu ‘Khuo le Tui Ṭha‘ ti a ni thu a puong bawk.

Thlalak hai: Google Drive

Gallery: Thlalak suklien (zoom) dingin thlalak hi click rawh.