Pathien zar chauin tukum 2024 hi Sielmat Bible College (SBC) kum 44 tling kum a lo ni der el tah. Sielmat Bible College hi Pathien ringsanin April 1, 1980-a indin a ni a, a tir chun Certificate in Theology (C.Th.) chen chau inchuk theina niin, zirtirna khawm Hmar tawng hmanga zirtir niin, Sielmat Bible School (SBS) tia indin a nih. SBS indin tir hin inchuklai mi 14 chau an na, zirtirtu khawm mi 2 chau an nih. Sielmat Bible School hi an tan tir chun suong ding a um naw khawp el a, a sikul in khawm a țuong hnuoi/pil, a bang pilzut le a chung rangva el a nih. Harsa le hmusit um taka intan ni sien khawm, Pathienin mal a sawm a, kum 1999 khan College a hlangkai hung niin Bachelor of Theology inchuk theina a hung nih a, 2020 khan M. Div. a upgrade ni in M. Div. inchuk thei a nih, lawm a um tak zet. Tukum 2024 chen hin mi 589 graduate an um tah. Hmun tin ram tinah pastor, missionary, evangelist le tuolsung Kohran a mi tangkai tak tak, Pathien ram rawng bawlnaa mi pawimaw tam tak an um tah.
Vawisun chen Pathien thuoina kut hrat ei chunga suklangin a la um zing a. Tukum 2023-2024 inchuklai naupang M.Div. le BTh. Inchuklai 45 ei nei mek a nih. Tukum 26th March thla khan, B.Th 7 le M.Div 12 graduated thar ei nei bawk a nih. Hi baka hin hmasawnna rurel (infrastructure) tieng khawm hma tieng kal ei pen met met zing a. Kum 2023 khan hmasawna hmu ding a um zinga lawm a um tak zet el. Roberts Jubilee Chapel sak taka SBC Quarters, Wales tienga ruolțha, Pathien ram hmangaitu le ei Bible College ngainatu Evangelical Movement of Wales hotuhaia inthawka hmangaina thilpek lei le Headquarter thangpuinain bawl zo a lo ni taa, basement hi Mess hall dinga riruong a nia chu ei buoi leiin ral tlan haiin an la hluo meka, Quarter chung chu Chapel cum Hall dinga riruong a nia, chu chu bawl mek a nih.. Hieng hai baka hin ei kohran sunga mi, SBC ta dinga thahnemngai haiin thilpek tum tum, college ram sunga phun ding thingkak dam, principal dawkan dam, academic dean dawkan le a dang dang hai ngaina takin an hung pek a, ei lawmna an sang hle.
Pathien zar in Korea tienga inthawka ei Bible College ngaina le ditsaktu Rev. Dr. Yi Ok Hee, Vision Asia a inthawk hmangaina thilpek Washing machine 14 kg, pathum ei dawng a, inchuklai hai nasatakin a sawk zangkhai a nih. Inchuklai 15 an hung chawma, Academic thar (2024-25) a inthawk lem chu panga in an hung sukpung ding nih. Anni baka hin Tuithaphai Presbytery sunga Department le Presbytery dang hai khawma thahnem ngaiin inchuklaihai chawmnaa an hung thang sau sau hi lawm a um hle a nih. Mimala inchuklai hai chawm khawm mi pathum (3) zet an um bawk. Chawmtu ei hmu belsana dingin țawngțaina a hai lo hei hrieng ei tieu.
Sielmat Bible college hi ei Kohran ta dinga hmun pawimaw, rawngbawltu ding: pastor, missionary, evangelist le rawngbawltu dang danghai ei sersuokna hmun pawimaw a na, vawisun chena tluong taka a fe el chau ni lovin, hmasawnna, ki dang danga hmu theia a la um zing hi lawm a um tak zet. Pathienin a tuipui ral rama mihai, ei rawngbawlna ngainatu ding ruolțha a mi pek a, hieng hai fethleng hin taksa le Thlarauah malsawmna tam tak vawisun chen hin ei dawng zing. Tuhin ei college ah thawktu mi 16, zirtirtu lecturer 12, librarian 1, clerk 1 le thlaisuongtu (cook) 1, Care taker 1, an rengin mi 16 an um a, inchuklai (student) 45 an um bawk, Vawisun SBC Day April 1, 2024, SBC kum 44 a tling ni hin Kohran haiin SBC ta dinga thahnem ngai taka mi tawngțaipui dingin kan hung fiel cheu a, chun hieng chen a kut hrata mi thuoitu ei Pathien kuomah lawmthu mi hrilpui dingin kan ngen bawk cheu.
With inputs from Sielmat Bible College
I like this website very much, Its a very nice office to read and obtain info . “The world breaks everyone, and afterward, many are strong at the broken places.” by Ernest Hemingway.