September 27 – 29, 2024 sûng khan Hmarphei Presbytery biel pumpui huopin Beiruol Intuokkhawm-cum-Revival Meet Sakawrdai Sub-Hqrs. biekina hmang a nih.
Hi inkhâwmpuia hin Rev. Lalramlawm Inbuon, EAL-in Pathien thu hril rawngbâwlna a nei a, Hmarphei Presbytery Choir, Nk. Lalrinhlu Infimate, Upa Lalnuntluong Faiheng, Sakawrdai unit KṬP, N. Vervek unit KṬP, Hmarveng Sakawrdai unit KṬP haiin hla saka rawngbâwlna an nei bawk.
Khaw hrang hrang a inthawkin Kohran mipui hai fekhâwm a ni a, Biekina inleng lo khawpin mipui fekhawm hlak a nih. Speaker-a inthawkin Pathien thucha ṭha tak tak ngâithlâk a ni a. Mipui hlasak a’n hawiin lâmtuol khawm a ruok hman naw hiel a nih. Hlaa rawngbawltuhai hlasak a hringin Lalpa’n mal a sâwm tak zet bawk.
Inrinni chawhnung tieng le Pathienni chawhnung a hai Beiruol thupui hmangin Titi Lêngkhâwm nei hlak a nih.
Programme a hlawtling hle a, Kohranhai Pathien malsawmna tam tak dawngin hun an hmang.
Source: H. Vanlalthang, CKṬP Media Ministry Correspondent, Hmarphei Presbytery
