Nehemiah Prayer Team (NPT) chun November 28 – 29, 2024 khan darkar 24 sûng ram le hnam ta dinga hnam pum huop ṭawngṭai (Nationwide Prayer for the Nation) chu ‘Tho La, I Pathien Ko Rawh‘ ti thupuia hmangin, NPT Prayer Mountain, Muolvaipheiah, a nuom ta phawt ṭhang dinga fielin, a buotsai.
Hi ṭawngṭai inkhâwm hi NPT Central Committee inrawinain Rev. H.P Runremthang chu Convenor a ni a, Nk. Lalhmunmawi le Nk. Mary Vaiphei haiin hla sak rawngbâwlna an nei. Tuiṭhaphai biela rawngbâwltu ṭhenkhat le NPT ṭhuoituhai chu darkar khat dan peia ṭhea umin, ṭawngṭai inkhâwm hi an ṭhuoi.
Mipui fekhâwm hai fâk le dâwn ding, ṭhahnem ngâi hai a’nthawka thil pêk dawnga um chu NPT Central Choir haiin an buotsai bawk.
ICI Secretariat le Tuiṭhaphai Presbytery khawm office khârin, staff hai po po hi inkhâwm ṭawngṭai a hin an ṭhang ve.
