December 14,2024 zântieng 2:00 PM khan ICI Gospel Centenary Guest House-ah Independent Kohrana Music tienga mawphurtu tak Assembly Musical Board (AMB) chun VULMAWI Award 2024 BEST CHOIR dawngtu ICI CENTRAL CHOIR hai Award lawmpuina hun a hmang.
Hi Best Choir Award lâwmna hun hi Upa Lalnuntluong Faihengin a keihruoi a, “Aw Ropuitak Halleluiah” ti hla sakin hun ṭan a nih. ICI CENTRAL CHOIR tienga inthawkin Chairman Upa Ramhlunsang-in report ngainuomum tak a pêk a, Choir Conductor Pu Diamond Malsawmthang-in AWARD an sem dan hâi le Award an dawng dan hai hrilna a nei.
AMB tienga inthawkin Chairman Upa L. Hmingsâng Joute-in lâwmpuina thucha hrilin, Choir rawngbawlnaa hmang ding sumfai a’n hlân nghâl a, Secretary Ministries, Rev. Dr. James R Ruolngul-in Choir hai ta dinga ṭawngṭaipekna neiin, Secretary Missions Rev. J. Thanglur-in fâk le dawn buotsaia um hâi inhlânna a nei.
Hun kâr lakah Music Instructor Pu Lalthlawnpek Tusing le Rev. Alan L Ṭhiek hâiin thuhril tâwi hun an hmang a, programme tawifel tâk le hlimumtaka hmang a nih.
