August 29, 2024 sûn dâr 12:00 khan Upa Lalsangawi Hmar, Assam Hills Presbytery Chairman-in Presbytery Secretary (PS) Office-cum-Quarters thar hawngna le Pathien kuoma inhlanna a nei.
Assam Hills Presbytery sûnga khuo 17 a’nthawk Local Chairman le Secretary hai le Presbytery Department tin Office Bearers hai fielin building thar hawngna programme hi hmang a ni a, zân tieng ruoi kîltlâng a nih.
Hi PS Office-cum-Quarters hi Muolhoi Sub-Hqrs.-a um a ni a, riruong dân chun ground floor hi Office ni’ng a t’a, 1st floor hi PS Quarters, 2nd floor hi Clerk, Peon, Driver hai quarters ding a nih. 1st le 2nd floor hi zo fel a ni ta a; 1st. Floor hi tuta PS Rev. S. Thanga Thiek hai suongkuo-in hluo’ng an tih.
Hi Quarters hi Rev. Lalsuokhup, Assam Hills PS hun lai tarik November 8, 2022 khan Presbytery Chairman Upa Lalthienghlim Tuolor-in foundation lungphûmna neiin bawl ṭan a nih. Presbytery Standing-in Construction Committee a ruot hai hmalakna le kohranhai hmanga Pathienin malsawmna tam tak a mi pêkna leiin sin khawm chatlak dêr lovin kum khat le thla 9 sûng bâwl a nih.
