
Aw hlimna Kristmas, i pâr kan tlân laiin,
Kumpui thlangtla ding hi zui tuma;
I bân kan chela, hnungtieng i mîn nghat hi,
Kan la phal naw che.
La châm rawh, la châm rawh,
Kan ngai che, la châm rawh;
Nunghâk, tlangvâl, kan lân phal nawh, the ding che’n,
Aw hlimna Kristmas.
Kumpui thlangtla ding hi zui naw thei kan nawh,
Ni khat dang châm theina pêk kan nawh;
In lâwmna pârte tu’n ka liem ding an tah,
Damtakin chibai.
Ka hung invêl nâwk tieng,
Lân hmu nâwk ngei dingin;
Malsâwmna thar leh lân lâwm nâwk de mei ni,
Damtakin chibai.
Vâna Lalrêng khuo insienga rêl angin,
Inthe naw thei ei lo ni naw maw?
I hla ri mawi kan lungrilah châm zing ie,
Aw hlimna Kristmas.
Pathienin mi vêng sien,
Inhmu nâwk ngei dingin;
I tiem malsâwmna kha chawiin, hung nâwk rawh,
Damtakin chibai.
Phuoktu: Rev. Thangngur