• This event has passed.

« All Events

74th General Assembly

December 5, 2023 @ 10:00 am – December 10, 2023 @ 5:00 pm

General Assembly hi Kohran inrêlbawl dânah thuneina insângtak neitu chu a nih. Presbytery, Mission Field, Khawpui Kohran le Department-hai a inthawk palai khâwmin, kumkhat sûng vawikhat bêk rorêlna nei hlak a nih.

MEMBER DINGHAI:

MEMBER HLUN: Assembly Office Bearer-hai, Executive Council Member-hai, Pastor-hai, Pastor pension puitlinghai, Assembly Musical Board Chairman le Secretary, Department tin Board Chairman, Assembly Board of Auditors Chairman le Secretary, Pro-Pastor-hai.

MEMBER DANGHAI: (i) Presbytery Conference- in palai dinga a hung thlanghai. Central Nuhmei Pawl, Central Kristien Ṭhalai Pawl, Khawpui kohran le Central Nehemia Prayer Team palai ding Executive Council-in a phalpek zat an tir hai.
(ii) Assembly in a phal pêkhai (Vote nei thei naw ni hai).

MODERATOR LE SECRETARY:

MODERATOR & VICE MODERATOR :
(i) Moderator: Moderator term chu kumkhat nîng a ta, a term a tawp pha Vice-Moderator chu Moderator nîng a tih. Ṭûlna leia inthlang a ṭûl chun, Vice-Moderator inthlang dan anga thlang nîng a tih. Moderator hi a sin a tawp charin Vice-Moderator-a thlang thei ni naw nih.

(ii) Vice-Moderator: Vice-Moderator hi Assembly member-hai laia mi, namdetna chang tah (Executive Secretary le Secretary-hai ṭhang lovin) kum khat sûnga dingin Assembly-in thlang a tih. Vice- Moderator hi Moderator term a tawp hunah Moderator ni nghal a tih.

SECRETARY:
(i) Executive Secretary chu Assembly le Executive Council ah Secretary nîng a tih.
(ii) Recording Secretary: Executive Council–a Recording Secretary-hai nîng an tih.

ASSEMBLY SIN DINGHAI:

  • Presbytery-a inthawka thu thelûthai, Department Conference le Executive Secretary-a inthawka thulût Executive Council-in a hung pêksâwng le dawnghai a fel thei ang taka rêl.
  • Presbytery hai indin, ṭhiek, siemṭhat, zawmkhâwm le suktâwp.
  • Pastor dinghai namdet, zil le bân.
  • Assembly Office Bearers le Executive Officer-hai thlang.
  • Ramthim rawngbâwlna siem, thawktu lâkzât ding siem, sukdanglam le sukbo.
  • Presbytery tin le Mission Field-hai intiemna dawng le record.
  • Sum hnâr ding siem le suktâwp
  • Presbytery tina inthawk le hmun dang danga inthawka sum dawng le hmang.
  • Kohran Dân siem, sukdanglam, siemṭhat le ṭhiek.
  • Kohran Thuring siem, sukdanglam, belsa le bân.
  • Hi kohran ta dinga thil ṭûl le pawimaw a tihai, constitution le inkal naw phawt chu thawin, ngaituo, a ditnawhai chu pei, siemṭhat, sukdanglam le suktâwp.
  • Kohran buoina rêlin sukfel a tih.
  • Executive Council rorêlhai enin siemṭhat ṭûl siem ṭhat, pei ṭûl pei le pawm.
  • Department thar a ṭûl ang peia siem.
  • Kohran dang amanih, pâwl dang le inzawmna le sinthaw hmunkhat ding thuah maw phur.
  • Plan le Budget siem le pawm
  • Council Member ding Executive Council-in mi 3-5 chen term khat sunga dinga proposal a hung pekhai sukdanglam le pawm.
  • Hmun le hmâng (land and property) inchâwk le zawr.