2025 KUM THUPUI / I Pathien Chu Tuok Dingin Inzo Rawh
Kum thupui ‘I Pathien Chu Tuok Dingin Inzo Rawh (Am. 4:12)’ hi September Beiruol sung inchukna le hrilzauna nei ning a tih. Suizauna lekhabu PDF download thei a nih.
Independent Church of India, Executive Council 169, resolution 6-na chun 2025 kum thupui dingin “I Pathien tuok dingin inzo rawh (Amos 4:12)” a thlang a. Ministries Board, sitting 306/1 chun a ziektu dingin Rev. Zathangsing Zate, Executive Director, Muolvaiphei Rural Health & Research Centre a ruot nâwk a. Hun indai naw tak kârah ei thupui hi a hung ziek zo thei leiin lâwmum ei ti em em a nih. Ministries Board, sitting 308/1 chun Rev. HB Hluothang le Rev. Dr. James R. Ruolngul hai chu enpui dingin a ruot angin enfel zovin sut thei dingin Christian Literature & Publication Committee kutah an hung pêk nâwk a. Tuhin sut zovin, kohranhai hmang thei dingin a hung um ta leiin lâwm a um tak zet.
2024 khan “Isu Krista Hung Nâwkna” thupuiin ei lo hmang tah a. 2025 hin “I Pathien tuok dingin inzo rawh” tiin, nikum thupui sunzawmna le ei Lalpa hung nâwkna inbuotsaina tieng âwna ṭhataka lekhabu ei nei hi eini tienga ei inbuotsaina mi ṭhangpuitu pawimâwtak a ni ngêi ka beisei a. Chu ding chun Pathien tuok dingin inbuotsai zo ei tiu.
Tiemtu po po Lalpa’n malsawm raw se.
Rev. Dr. James R. Ruolngul, Secretary, Ministries, ICI; October 17, 2024
