Ei hotu Rev. Lalhmingthang chu August 3, 2025 zîng dâr 6:10 AM khan hi khawvel harsatnahai tuok nawk ta ngai lo dingin a chêngna in Noida 118 Sector-a inthawk chatuon ram a mi lo inlâwisan tah. A imâksan a nuhmei Pi Lalramhnem le a nauhai Pu Ramhmangai Khawbung le Pu Lalbieklawm Khawbung hai ṭawngṭaina’n lo hrie’ng ei tiu.
A chanchin tawi:
Rev. Lalhmingthang hi Upa Bunga le Pi Sangkim hai naulutirin October 29, 1962 khan Parbung khuoah a hung pieng a, piengpui unau pasal 5 le nuhmei 2 a nei. 1989 in Pathien kona rawl chieng taka hrein, a damsunga Pathien rawngbawl dingin a’n pêk a. Tuolsûng kohranah thei ang angin a’n hmang a, 1990 khan ICI Kohrana thawk ṭanin, ICI Model School Parbungah Headmaster sin a thaw ṭan.
Pathien le hotuhai remruotnain UBS, Pune-ah 1995 – 1999 sûng khan BD a’n chûk a, a zo charin Executive Council-in 1999 khan District Superintendent, Cachar District mawphurna a pêk nghal a, 51st General Assembly-in Rev. H.L. Bana kutah March 5, 2000 khan Ordination a pêk. Taksa hrisel nawna leia a sin a sunzawm thei ta naw leiin, 169th Executive Council (2024), Aizawl-in 75th General Assembly, Sielmat-a Medical Pension pêk dinga recommendation a pêk angin March 2025 khan rawngbâwlna a lo châwlsan ta a nih.
Kum 34 sûng zet Pathien lunginsietna zârin ICI Kohrana sin thaw theiin a um a. Unit, District/Presbytery le Central a hai chen mawphurna tam tak pêkin a um. Secretary, Evangelism/Ministries a chel sûng Pastor 21 ordination a pêk a, District/Division Superintendent a ni sûng Kohran Upa 18 ordination a pêk a, nupa tuok li (4) a’n nei tir bawk. Aizawla Divisional Superintendent a chel sûng Mizoram sûnga Kohran Unit panga (5) lai zet Pathienin a pek bel sa bawk a nih.
Rawngbâwlna a neina (posting) hmun le kum hai:
1. Hmarkhawlien Sub. Hqtrs (May 1999 – April 2002): District Superintendent
2. Phulpui Sub. Hqtrs (April 2002 – April 2007): District Superintendent
3. Sakawrdai Sub. Hqtrs (April 2007 – January 2013): District Superintendent
4. Aizawl Sub. Hqtrs (January 2013 – January 2015): Divisional Superintendent
5. Sielmat General Hqtrs. (January 2015 – December 2017): Secretary, Evangelism
6. Sielmat General Hqtrs. (January 2018 – March 2021): Secretary, Ministries & Christian Education
7. Sielmat General Hqtrs. (March 2021 – December 2023): Executive Secretary
8. Sielmat General Hqtrs. (January 2024 – December 2024): Secretary, Finance & Development
