Vawisun ni chena mi venghima a kutpha ropuia mi hum tu ei Lalpa Isu Krista hmingin chibai ka buk cheu.
Year Planner-a um angin hung tlung ding August 4-10, 2025 sung hi Music Week 2025 ei hmang hun ding a lo ni nawk ta a, AMB committee chun inhmatakin subject guidelines mawphurtu ding ruotin hma a laka, nisienlakhawm buoina dang dang leiin inhmawtakin hma ei lak vat theinawa pawi ei ti tak zet.
Tuhin thla khat tling lo deu hun a la um a, lekha inthawn vela an hnu ta leia harsatna hmun hai chu a um el ta dim ei hriet naw a, a lo um a ni chun inhrietthiemna ka ngen nghal cheu. Guidelines siema um hi subject latu hai thangpuitu ding chaua buotsai a ni a, Book size le mobile-a en thei dinga setting pahnia hung siem a nih. Headquarter anthawkin a lekhabua hung thawn a ni naw ding leiin ei inhrietthiemna ei inngen bawk a nih. Presbytery/Field/City Church Musical Board in mani biel sunga Local/Unit hai chan ding chu a tul dan le pawimaw dan izira thawndar dan ding hma mi lo la pek seng dingin Pathien hmingin ka ngen cheu.
Music Week chungchanga indawn sap nuom ei um chun Chairman/Secretary iengtiklai khawma biekrawn thei zing kan nih.
Pathien malsawmna tamtak dawnga Music Week hmang seng dingin ka ditsak cheu.
DOWNLOAD PDF FILE
MUSIC WEEK 2025 HMANG SUNGA HRIET DING ṬULHAI
1. Music Week a ni leiin zan tin inkhawm ning a ta, Local Music Committee in Local Church Committee le inhrepawin program siem a tih. Pathienni Zan inkhawm hunah thawlawm Local Music Committee fund ding lakkhawm ning a tih.
2. Local Music Committee in zan tina ding Worship Leader, Khuongpu, Hla inzawttu, Guitar/Bass/Keyboard (a um chun) ruotin, ruota um hai hin ṭawngṭaina le nasataka inbuotsaia a hma lawka hlasak ding hai lo en lawk pei hlak ding a nih.
3. Inkhawm tan hun chatah mipui hlasak an hawi theina dingin inkhawm fe hmasa sahai chu Biekin sunga innghâk khawm hi thaw ngei ding a nih.
4. Guidelines siema um hi Subject Latu hai ṭhangpuitu ding chau a nih. Mani remchang ang peia a subject le inzuola belsa pei el ding a nih.
5. Music Week inkhawm hun sung Kristien Hlabu, Independent Hlabu, Hlamawi Bu a hai hla thar a tam thei angtak Kohran member hai inchuktir dan ngaituo ding.
6. Guidelines Booklet a hrana print a um naw a, pdf file ah hung thawn dar el a nia, Presbytery/Field/City Church tinin ei pawimaw dan anga lo thawndar / print el dingin ei inngen a nih.
7. Music Week 2025 hlimumtak le malsawmna tamtak dawnga hmang seng dingin ditsakna insangtak kan inhlan cheu.
Diamond M. Tusing
Secretary, Assembly Musical Board
Hlawk taka ei hmang seng theina dingin tawngtai nan hreseng ei tiu
A hmâsa takin in rêngin chibâi ka hung buk cheu, pathienin ei hma thuoi a ta hung ding ni 4- 10 (August) thla khin music week ei hmang ding a na, pathien zara ei hmang thei a ni chun kohran hai in ei hmang na san tak hri a pathien malsawmna dawng seng dingin dik sakna ka hung hlan cheu.