ICI Executive Council 197 resolution 6na chun, “Isu Krista Hung Nâwkna” (Thup.22:12) 2024 kum thupui dingin a thlang a. Chu dungzui chun Ministry Board in a bâwzuia, Rev. Dr. James R. Ruongul, Ministries Department head ziektu dingin a ruot a. Ama chun sin tamtak kârah mâwphurna sukpuilting tumin a ziek a.
Kohranin thâw dan kalhmang ei nei angin sut dingin Christian Literature & Publication Committee kutah a hung peka. Tuhin press ah sut zovin kohranhai hmang dinga pek suok a ni tah.
2024 KUM THUPUI / Isu Krista Hung Nawkna
Kum thupui ‘Isu Krista Hung Nawkna’ hi September Beiruol sung inchukna le hrilzauna nei ning a tih. Suizauna lekhabu PDF download thei a nih.
Hi thupui hi kum thupui meu a ni leiin kumbul râwta hmang thei dinga buotsai âwm tak nisienlakhawm 2023 December a relthluk chau a ni leiin January 2024 a hmang nghâl dinga buotsai ngâina a um nawh a. Tuhin 2024 chenve hnungin hmang thei dingin ei peksuok thei chau a ni leiin kohran haiin ei hrietthiemna ei inngen.
Kohranhai beiseina thuring innghatna bulpui pakhat chu Isu Krista Hung Nâwkna hi a nih. Zing nisa suok inkhel ruol lo anga inkhel lo ding chu Isu Krista Hung Nâwkna (ding) hi a nih.
Chuleiin, hi subject hi ringtu mitin ta dinga inchuktirna pawimâw em em a nih. Isu hung nâwk ding thu hi Bible hmun tamtak a ziek nisienlakhawm a hung nâwkna ding thu tuomvel le thiltlung dinghai hi a hmatiem indawta ziek a ni naw leiin mi tamtak ei buoia, ei hriet pawlsawp vawng niin an lang. Hi lekhabu a hin chuonghai chu fie le fel taka hril a nih.
