ICI Executive Council 164 thurêl 7-na chun tukum September 2023 Beiruol Thupui ding ngaituoa bawzui dingin Ministries Board a pêk a. Ministries Board 294-na thurêl chun ICI emblem-a Greek ṭawnga inziek “Isu Krista chu Lal a nih” (Phil. 2:11) ti hi hmang nisienla tiin a rêl a. Thupui ziektu dingin ditsak takin Rev. Michael Zokhuma Zote ruotin, enpuitu dingin Publication Committee ruot a nih.
Mawphurna pêka um angin Rev. Michael Zokhuma Zote-in ei ram (Manipur) buoina karah thupui a hung ziek hi Publication Committee member, abîktakin Rev. Dr. James R. Ruolngul le Rev. Alan L. Ṭhiek-haiin ngun takin an hung enpuia, Mr. Joyful L. Ṭhiek-in setting a hung siem hnungin a bu ngeia sut theia ei um hi lâwm a um hle.
Hi hi ei kohran thupui kumhlun a nih a, hung ziektu Rev. Michael Zokhuma Zote kuomah lâwmthu ei hril a nih. Beiruol hmangtu kohran mipuiin ei inchûka, Isu Krista Lalna hi ei mimal hringnunû insûng, Kohran le khawtlâng nunah ei hmanga, ei târlang theina dingin Pathienin malsawm raw seh.
Rev. Lalneikhup Hmar
Secretary, Ministries Department
Sielmat: July 26, 2023